МЕМЛЕКЕТТІК ТІЛДЕ ІС ҚАҒАЗДАРЫН ЖҮРГІЗУ: КӘСІБИ ДАҒДЫНЫ ЖЕТІЛДІРУ

29.08.2026

 24–28 тамыз аралығында Марғұлан университетінің Құзыреттер және үздіксіз білім беру орталығында «Мемлекеттік тілде іс қағаздарын жүргізу» курсы өтті.

Курсқа Павлодар және Екібастұз қалаларынан, сондай-ақ Павлодар ауданынан келген тыңдаушылар офлайн және онлайн форматта қатысты.

 Оқу барысында қатысушылар:

 мемлекеттік тілде құжаттарды дұрыс құрастыру және ресімдеу дағдыларын жетілдірді;

 құжаттамалық қамтамасыз етудің құқықтық және нормативтік негіздерімен танысты;

 заманауи цифрлық құралдарды кәсіби қызметте тиімді қолдану тәсілдерін меңгерді.

Курс тыңдаушылардың мемлекеттік тілді кәсіби ортада еркін әрі тиімді қолдану құзыреттерін арттыруға бағытталды.

Курс авторы: Е.Ғ. Асылбеков – Басқарма аппараты кеңсесінің мемлекеттік тіл жөніндегі маманы, ҚР Ғылым және жоғары білім министрінің 2024 жылғы 12 маусымдағы №291 бұйрығымен құрылған Салалық кеңестің төрағасы.